ආනයනකරුවන් 4 දෙනෙකු විසින් රටට ආනයනය කරන සෞඛ්‍යයට අහිතකර පොල්තෙල් විකිණීමට ශ්‍රී ලංකා ප්‍රමිති ආයතනයේ ජ්‍යෙෂ්ඨ නිලධාරීන් අවසර දී ඇති බවට මාධ්‍ය සහ සමාජ මාධ්‍ය මුළුමනින්ම ව්‍යාජ හා අසත්‍ය චෝදනාවක් ඉදිරිපත් කර ඇති බව නිරීක්ෂණය වී ඇති බවත් මෙරට ජනතාවගේ ජිවිතවලට හෝ ජීවනෝපායන්ට අහිතකර වන කිසිදු වෙළඳ භාණ්ඩයක් හෝ ආහාරයක් සඳහා ප්‍රමිතී ආයතනය අනුමත නොකරන බව ශ්‍රී ලංකා ප්‍රමිති ආයතනයේ අධ්‍යක්ෂක ජනරාල් ආචාර්යා සිද්ධිකා සේනාරත්න ප්‍රකාශ කර සිටිනවා.

සියළුම ආනයනකරුවන් විසින් රටට ආනයනය කරන ලද පොල්තෙල්වල ඇෆ්ලාටොක්සින් සඳහා රසායනාගාර පරීක්ෂණ අඛණ්ඩව ශ්‍රී ලංකා ප්‍රමිති ආයතනය විසින් පරික්ෂා කරනු ලබන අතර එය මයික්‍රෝ ග්‍රෑම් 10 / කි.ග්‍රෑ.

මෑත මාධ්‍යවල පෙන්වා දී ඇති පරිදි රේගු අධිකාරිය, එස්.එල්.එස්.අයි අධිකාරිය සහ සෞඛ්‍ය අමාත්‍යාංශයේ (ආහාර පරීක්ෂණ) ඒකකය විසින් පොල්තෙල් බහාලුම් 13 ක් පාරිභෝගිකයින්ට විකිණීම සඳහා අනුමත කර නොමැති අතර පාරිභෝගික කටයුතු අධිකාරිය ද මෙම ආනයන පිළිබඳව දැඩි අවධානයෙන් සිටී.

ආනයනකරුවන් 4 දෙනෙක් නාමික වන අලි බ්‍රදර්ස් පුද්ගලික සමාගම, සේනා මිල්ස් පිරිපහදුව, එඩිරිසිං එඩිබල් ඔයිල් සහ කටාන පිරිපහදුව සමාගම දිගු කලක් තිස්සේ තෙල් ආනයනය කරන්නන් වන අතර ඒවායේ සාම්පල පරීක්ෂාවට ලක්ව ඇති අතර දින කිහිපයක් ඇතුළත ප්‍රතිථල නිකුත් වනු ඇති බවයි ශ්‍රී ලංකා ප්‍රමිති ආයතනය සඳහන් කරන්නේ.

පරීක්ෂණ ප්‍රතිපල මත පදනම්ව, ශ්‍රී ලංකා ප්‍රමිතිඅධිකාරිය සෞඛ්‍ය අමාත්‍යාංශය (ආහාර පරීක්ෂාව) සහ ශ්‍රී ලංකා රේගුව සමඟ එක්ව තත්ව පාලනය සුදුසු නම් පමණක් ඉහත ආනයන විකිණීම සදහා අවශ්‍ය අනුමැතිය ලබා දෙනු ඇති බවයි අධ්‍යක්ෂක ජනරාල්වරිය සඳහන් කරන්නේ.

LEAVE A REPLY

Please enter your comment!
Please enter your name here